Mbi 100 milionë persona në të gjithë SHBA-në janë duke u prekur nga vala gjithëpërfshirëse e të nxehtit që pritet të thyejë rekorde në shumë pjesë të vendit teksa lëviz drejt lindjes, raporton Anadolu Agency (AA).

Shërbimi Kombëtar i Motit (NWS) tha se vala e të nxehtit do të vazhdojë gjatë gjithë javës pasi zgjerohet “nga Rafshnalta në Perëndim të mesëm dhe Juglindje”.

Në një alarmim të veçantë moti theksohet se “nxehtësia e rrezikshme” pritet të shtrihet nga Lugina e Mississippi-t në juglindje deri në mes të javës dhe “kushtet kritike të motit nga zjarri” do të jenë të pranishme në jugperëndim dhe në qendrën shkëmbore gjatë natës së të hënës.

Temperaturat e larta pritet të arrijnë në 90 dhe 100 gradë të Fahrenheit (mbi 37 gradë Celsius) “me indekset e nxehtësisë që mund të jenë mbi këto temperatura”.

Raporte të shumta thonë se numri i njerëzve që janë prekur i kalon 100 milionë.